大寶伏藏 71 函：第43 函 P515-536《怙主具善誅敵十三戰神淨煙供廣略軌、祈禱所欲、戰神大軍讚頌合集 · 十方尊勝戰旗》

《༄༅།།མགོན་པོ་ལེགས་ལྡན་གྱི་དགྲ་ཆོས་དགྲ་བླ་བཅུ་གསུམ་གྱི་བསང་མཆོད་རྒྱས་བསྡུས་དང་འདོད་གསོལ་དགྲ་བླ་དཔུང་བསྟོད་བཅས་ཕྱོགས་གཅིག་ཏུ་བཀོད་པ་ཕྱོགས་ལས་རྣམ་པར་རྒྱལ་བའི་རུ་མཚོན་ཞེས་བྱ་བ་བཞུགས་སོ།། 怙主具善誅敵十三戰神淨煙供廣略軌、祈禱所欲、戰神大軍讚頌合集 · 十方尊勝戰旗》

取自：ཞེ་ཆེན་པར་སྐྲུན་། 雪謙版 གཏེར་མཛོད། པི༽པ་ལ། 大寶伏藏 པི 函（043函）བཀའ་གཏེར་གཉིས་འདུས་མགོན་པོ་དགྲ་བླ་བཅུ་གསུམ་མ་ལྡེབ། ༡༡ 515-536 28、《嘎（教傳）德（伏藏）總集十三怙主戰神》，11頁，P515-536

雲端藏經閣：

https://www.amazon.com/clouddrive/share/WqBTEFr918qtNfVPqs61byqfuFvp1CGsrHkEhS5lHUi

（ 佛法無版權：點擊下載或複製網址貼上，下載儲存後開啟可閱。)

摘錄內文：

ཤྲཱི་མ་ཧཱ་ཀཱ་ལ་ཡེ།

śrīmahākālaye

師利瑪哈嘎拉耶！

ཡང་དག་ཡེ་ཤེས་རྡོ་རྗེ་ཡིས། །བདག་ལྟའི་དགྲ་བགེགས་བརླག་པའི་ཕྱིར། །དཔལ་ཆེན་རོལ་པའི་ཕྲིན་ལས་གར། །ལེགས་ལྡན་དགྲ་བླའི་མཆོད་ཕྲེང་བཤད། །

清淨智慧金剛尊，我見敵魔令毀故，

吉祥遊戲事業舞，具善戰神供鬘說。

དེ་ལ་ལེགས་ལྡན་དགྲ་བླའི་ཚོགས་ཐམས་ཅད་མཆོད་པར་འདོད་ན། བསང་དཀར་བྱ་ལ་ལྷ་ཤིང་སྣ་དགུ་དང་། ཕྱེ་མར་སྤོས་དང་ཤ་སྣ་ཚོགས་བསྲེག །གཏོར་མ་གཞན་ནས་འབྱུང་བ་ལྟར་རྒྱན་སྤྲས་བཤམས་ལ།

此中，若欲供養一切具善戰神眾，應做白淨煙供，焚燒九種天木，以及香粉、各種肉類，朵瑪依他處所說，莊嚴陳設。

སྔགས་དྲུག་ཕྱག་དྲུག་གིས་བྱིན་གྱིས་བརླབས་པ་ནི།

以六咒、六手印加持：

ཕྱག་རྒྱ་དང་ཏིང་འཛིན་ཞལ་ལས་འབྱུང་བ་དང་ལྡན་པས།

具足手印與三摩地而念誦：

............(中略)............

ཞེས་སྔགས་རྣམས་སོ་སོར་ལན་བདུན་ནམ་གསུམ་བརྗོད་པས་སྦྱངས་ཤིང་སྤེལ་བ་སོགས་བྱ། དེ་ནས་དར་ཕྱར་དུང་འབུད་རྔ་བརྡུང་ཞིང་རོལ་མོ་དབྱངས་དང་བཅས་པས།

六咒各誦三遍或七遍，以作凈化、增長等。其後，揚旗、吹螺、擊鼓、奏樂：

བསྭོ། མགོན་པོ་ལེགས་ལྡན་དམག་ཚོགས་བསྭོ། །

嗦！怙主具善大軍嗦！

དེ་རིང་ལེགས་ལྡན་དམག་ཚོགས་རྣམས། །སྲུང་མ་གཉན་པོར་བསྐོ་བ་ལ། །སྔོན་ལྷ་ཡི་དབང་པོ་བརྒྱ་བྱིན་དང་། །ལྷ་མོ་བདེ་སྐྱིད་ལྡན་མ་ཡི། །

今日具善大軍眾，委任嚴厲諸護法，

往昔天之王帝釋天，天后德吉丹瑪母，

སྐུ་གསུང་ཐུགས་ཀྱི་སྤྲུལ་པ་ལས། །ལེགས་ལྡན་དམག་ཚོགས་མང་དུ་སྲིད། །ནོར་ལྷ་ཚོང་ལྷ་ཟས་ལྷ་དང་། །ཇག་ལྷ་མགྲོན་ལྷ་ལམ་ལྷ་དང་། །

身語意中所幻化，無量具善大軍眾，

財神商神及食神，匪神旅神及路神，

ལེགས་ལྡན་དགྲ་བླའི་དམག་ཚོགས་རྣམས། །བཙན་པའི་གོ་ཁྲབ་ལུས་ལ་གྱོན། །རྣོ་བའི་མཚོན་ཆ་ལག་ན་ཐོགས། །མགྱོགས་པའི་རྟ་ཕོ་འོག་ཏུ་ཞོན། །

具善戰神大軍眾，堅固鎧甲身上披，

鋒利兵器手中握，疾行駿馬跨下騎，

དར་མདུང་ཕྱར་ཞིང་དུང་སྐད་སྒྲོག །ལྷ་དམག་མགོན་དམག་གཉན་དམག་གསུམ། །ལྷ་མགོན་དགྲ་བླ་དྲང་མཁན་དྲུག །ནོར་ལྷ་ཟས་ལྷ་གྲོགས་ལྷ་དགུ །

矛幡高舉螺號吹。天兵神兵及妖兵，

怙神戰神及證神，財神食神及友神，

ཚོང་ལྷ་མགྲོན་ལྷ་ལམ་ལྷ་དང་། །སྲོག་ལྷ་དཀར་དང་བཅུ་གསུམ་སྟེ། །དེ་རིང་སྤྱན་འདྲེན་གནས་འདིར་བྱོན། །གནས་ཁང་འདི་ལ་བྱིན་ཞིག་ཕོབ། །

商神旅神及路神，白色命神共十三，

今日迎請來此處！於此供殿請加持！

............(中略)............

ཅེས་པ་འདི་ནི་དམག་ལ་འགྲོ་བའམ། ཚོང་ལ་འགྲོ་བའམ། རྐུན་མར་ནོར་ཤོར་བའམ། ནད་པ་གསོ་བའམ། སྲིའུ་གསོ་བའམ། མོ་རྩིས་འཁྲུགས་པའམ། མགྲོན་ལ་འགྲོ་བ་སོགས་ཐམས་ཅད་ལ་འདི་ལྟར་བྱས་ན་ཕྲིན་ལས་འགྲུབ་པར་འགྱུར་རོ། །ཚིག་ཉུང་དོན་འདུས་པའི་དགྲ་ཆོས་འདི་བདག་བཻ་རོ་ཙཱ་ནས་ལེགས་ལྡན་འབུམ་གྱི་ཏི་ཀ་ནས་བཏུས་ཏེ་གསུམ་དུ་ཕྱེས་ནས་གཅིག་བཙན་རྒོད་ཀྱི་གནས་སུ་སྦས། གཅིག་རྒྱལ་མོ་དམུ་རྡོ་ལྷ་གཉན་གྱི་ཐུགས་ཀར་སྦས། གཅིག་མགོན་པོ་ལེགས་ལྡན་གྱི་ལག་ཏུ་གཏད་ནས་སྦས་སོ། །ཤིན་ཏུ་ཟབ་བོ།། ༈ །།

若行軍，或經商，或遇盜匪竊財，或養病，或育兒，或卜算錯亂，或作客，此等一切之時，若作如是行持，則可事業成就。此誅法言簡意賅，我於貝若匝納所作《具善十萬釋》中選集，分之為三，一者埋藏於凶暴之地，一者埋藏於嘉姆穆朵拉念心間，一者交付怙主具善之手而埋藏。最極甚深！

ལེགས་ལྡན་དགྲ་བླའི་བསང་མཆོད་བསྡུས་པ་ནི། 具善戰神淨煙供略軌

དཔལ་ཆེན་ཧེ་རུ་ཀ་ལ་ཕྱག་འཚལ་ལོ། །

頂禮大吉祥嘿如嘎！

དགྲ་བླའི་དམག་ཚོགས་འགྲན་ཟླ་ཀུན་བྲལ་བ། །བསྟན་འཛིན་སྲུང་ཞིང་མི་བསྲུན་འདུལ་བའི་ཕྱིར། །ཐུགས་རྗེའི་དབང་གིས་བསྟན་སྲུང་སྐུར་སྤྲུལ་པའི། །དགྲ་བླ་འཁོར་དང་བཅས་ལ་གུས་པས་འདུད། །

戰神大軍所向無能匹，守護持教調伏粗暴故，

大悲之力幻化護法身，戰神及諸眷屬敬頂禮！

འདིར་དཔལ་ལྡན་མགོན་པོ་དགྲ་བླ་བཅུ་གསུམ་གྱི་ཐུགས་དམ་བསྐུལ་བའི་བསང་མཆོད་འབུལ་བ་ནི། དམར་གཏོར་ཟུར་གསུམ་རྩེ་མོ་བཅུ་གསུམ་ཡོད་པ། རྒྱལ་སྲིད་བདུན་དང་། རྫས་རྟགས་བརྒྱད། གོ་མཚོན། གཡག་ལུག་ར་གསུམ་གྱིས་བསྐོར། དར་ཚོན་སྟག་རས་གཟིག་རས་ཀྱིས་བརྒྱན་པར་བྱའོ། །

此中，勸請吉祥怙主十三戰神之心願而獻淨煙供：三角紅朵瑪具有十三尖頂，七政財、八吉祥物、兵器、犛牛、綿羊、山羊所共圍繞，虎紋、豹紋彩綢而為莊嚴。

བསྭོ། མགོན་པོ་ལེགས་ལྡན་དམག་ཚོགས་བསྭོ། །དེ་རིང་དགྲ་བླའི་དམག་ཚོགས་བསྭོ། །དེ་རིང་སྲུང་མའི་དམག་ཚོགས་བསྭོ། །དེ་རིང་ལམ་ལྷའི་དམག་ཚོགས་བསྭོ། །

嗦！

怙主具善大軍嗦！今日戰神大軍嗦！

今日護法大軍嗦！今日路神大軍嗦！

དགྲ་བླ་མགོན་པོའི་དམག་ཚོགས་རྣམས། །བཙན་པའི་གོ་ཁྲབ་ལུས་ལ་གྱོན། །རྣོ་བའི་མཚོན་ཆ་ཕྱག་ན་བསྣམས། །མགྱོགས་པའི་རྟ་ཕོ་རྟ་རུ་ཞོན། །

怙主戰神大軍眾，堅固鎧甲身上披，

鋒利兵器手中握，疾行駿馬跨下騎，

དར་མདུང་ཕྱར་ལ་དུང་སྐད་སྒྲོག །ལྷ་དམག་མགོན་དམག་གཉན་དམག་གསུམ། །ལྷ་མགོན་དགྲ་བླ་དྲང་མཁན་དྲུག །ནོར་ལྷ་ཟས་ལྷ་གྲོགས་ལྷ་དགུ །

矛幡高舉螺號吹。天兵神兵及妖兵，

怙神戰神及證神，財神食神及友神，

ཚོང་ལྷ་མགྲོན་ལྷ་ལམ་ལྷ་དང་། །སྲོག་ལྷ་དཀར་དང་བཅུ་གསུམ་པོ། །མཐུན་པའི་རྫས་ལ་སྤྱན་འདྲེན་གྱིས། །དེ་རིང་སྤྱན་འདྲེན་འདི་རུ་བྱོན། །

商神旅神及路神，白色命神共十三，

相順供物作迎請，今日迎請來此處！

............(中略)............

ཅེས་རིག་འཛིན་ཀློང་གསལ་སྙིང་པོས་ཀཿཐོག་རྡོ་རྗེ་གདན་དུ་སྦྱར་བས་བསྟན་དགྲ་བརླག་པར་གྱུར་ཅིག ༈ །

仁增龍薩寧波於噶陀金剛座撰著。願碎教敵！

འདོད་དོན་གསོལ་ཞིང་ཕྲིན་ལས་བཅོལ་བ་ནི། 祈禱所欲並託付事業

གཏོར་མ་ཁ་གསོས་ལ་བདུད་རྩི་བྲན་ཏེ། །

酬補朵瑪潤灑甘露：

ཨོཾ་ཨཱཿཧཱུྃ། མཆོད་སྦྱིན་གྱི་གཏོར་མ་དང་གསེར་སྐྱེམས་རྒྱ་ཆེན་པོ་འདི། མཆོད་ཅིང་འབུལ་བའི་གནས་ནི། དཔལ་མགོན་པོ་ཤྲཱི་མ་ཧཱ་ཀཱ་ལ། བདུད་འདུལ་ལས་ཀྱི་དབང་ཕྱུག །རིག་འཛིན་ཡོངས་ཀྱི་སྲོག་ཤིང་། རྣལ་འབྱོར་ཡོངས་ཀྱི་དགྲ་བླ། དབུས་ཀྱི་དེ་ཝ་མགོན་པོ། ཕྱི་ནང་གཉིས་ཀྱི་ཚོགས་བདག །ཡུམ་ཡཀྴ་བཻ་ཏ་ལི། སྐུ་གསུང་ཐུགས་ཀྱི་མགོན་པོ། ཕྱོགས་བཅུའི་མགོན་པོ། སྡེ་བརྒྱད་ཀྱི་མགོན་པོ།

嗡啊吽！

此廣大供養朵瑪與金飲，應獻供處為：吉祥怙主師利瑪哈嘎拉，伏魔事業之自在、所有持明之命木、所有瑜伽之戰神，中央之德瓦貢波，內外二者之措達，雅叉白達哩母，身語意之怙主，十方之怙主，八部之怙主。

གཞན་ཡང་ལེགས་ལྡན་མགོན་པོའི་དམག་ཚོགས། ཕྲག་ལྷ་དང་། མ་ལྷ་བུ་རྫི། ཐབ་ལྷ་ཡུ་མོ། ཁྱིམ་ལྷ་གེལ་ཐུང་། རྒྱལ་ཆེན་རྣམ་སྲས། ནོར་ལྷ་ཨཱརྻ་ཛམྦྷ་ལྷ། ཚོང་ལྷ་ཚོགས་བདག་གླང་སྣ། མགྲོན་ལྷ་དཀར་པོ། འཐབ་སྐྱེན་སྣ་ནག །ཇག་ལྷ་དར་མ་སྐྱེས་གཅིག །དགྲ་བླ་ལྷ་མགོན་དམར་པོ། མགོན་པོ་ཟས་ལྷ་དམར་པོ། སྲོག་ལྷ་དཀར་པོ་ལ་སོགས་པ་ལྷ་དམག་བྱེ་བ་དུང་ཕྱུར་དང་བཅས་པ། མཆོད་ཅིང་བསྟེན་པ། བསྒྲུབས་ཤིང་གཡབས་པ། མ་བསྒྲུབ་རང་ལ་འཁོར་བའི་སྲུང་མ་དམ་ཚིག་ཅན་ཁྱེད་རྣམས་ལ། ཕྱི་ནང་གསང་གསུམ་གྱི་སྤྱན་གཟིགས་ལོངས་སྤྱོད་དགྱེས་པའི་ཚོགས། ནམ་མཁའ་བར་སྣང་ས་གཞི་གང་བར་བཤམས་པ་འདིས་མཆོད་དོ། །འབུལ་ལོ། །གསོལ་ལོ། །བསྟོད་དོ། །མཉེས་རབ་ཀྱི་མཆོག །དགྱེས་རབ་ཀྱི་ཕུལ། འདོད་པའི་ཡོན་ཏན་ལྔའི་ཚོགས་ཀྱི་མཉེས་པར་མཛད་དུ་གསོལ། །

另外，具善怙主大軍眾，肩神恰瓦、母神布澤、灶神玉姆、家神格通、毗沙門天王、財神啊雅臧巴拉、商神毗那夜迦、旅神嘎波、踏堅納那、匪神達瑪傑吉、戰神拉貢瑪波、怙主紅色食神、白色命神等億萬天兵，供養依止、修持召請、不修則圍繞自己之具誓護法，於汝等眾，陳設內、外、密歡喜受用之供品，遍滿虛空大地一切處，以此供養！獻奉！祈禱！稱讚！祈請五妙欲供品令獲最勝歡喜、最上滿足！

བདག་མི་ནོར་འཁོར་དང་བཅས་པ་ལ་སྲུང་ཞིང་སྐྱོབ་པ་དང་། བསམ་པ་དང་། སྨོན་པ་ཐམས་ཅད་ཡིད་བཞིན་དུ་འགྲུབ་པར་མཛད་དུ་གསོལ།

請守護庇佑我及人財眷屬！一切意樂願望祈令如意成辦！

འོ། ཁྱེད་རྣམས་ལ་ཕྲིན་ལས་སུ་བཅོལ་བའི་མདོ་ནི། བདག་ཅག་དཔོན་སློབ་འཁོར་དང་བཅས་པ་རྣམས་ཀྱི་དཀར་པོ་དགེ་བའི་ལས་སྒྲུབ་ཅིང་། སངས་རྒྱས་ཀྱི་བསྟན་པ་སྲུང་བ་ལ་བར་དུ་གཅོད་པའི་དགྲ་བགེགས་གནོད་བྱེད་ཐམས་ཅད་ཕྱིར་ཟློག་ཅིག །

噢！於汝等託付事業略攝為：

請令成辦我等師徒及諸眷屬之純白善業！請守護佛陀教法！一切障難之敵魔能害悉令迴遮！

མཐོ་ལ་ཁ། དམའ་ལུང་ཁུང་། ཆུ་ཁ་རབ་སོ། འབྲོག་ཡུལ་དགོན་གསུམ། ཕྱོགས་བཞི་མཚམས་བརྒྱད་གར་འགྲོ་གར་འདུག་ཀྱང་། སྔོན་ནས་སུས། རྒྱབ་ནས་སྐྱོལ། ཆུ་རབ་མེད་ལ་རབ་སྟོན། བྲག་ཐེམ་མེད་ལ་ཐེམ་ཚུགས། མཐོ་ལ་ཁ་ནས་བྱ་ར་གྱིས། དམའ་ལུང་ཁུང་ནས་མེལ་ཚེ་གྱིས།

高處山頂，低處谷底、水邊，牧區、村落、寺院，四面八方來去之時，請前迎！後護送！無淺灘示淺灘，無崖梯修建梯！高山頂上請守望！低處谷底請巡視！

བདུད་བྱུང་ན་ཤོལ་ཐོབས། དགྲ་བྱུང་ན་བྱ་ཐོངས། དུག་བྱུང་ན་སྨན་ཐོངས། དཔའ་བའི་དཔུང་སྐྱེད། བཙན་པའི་མཁར་རྩིགས། སྲ་བའི་གོ་གྱོན། རྣོ་བའི་ངར་གྱིས། རིངས་ན་རྟ་སྟོད། བྲེལ་ན་གཞུ་བདུངས། བཟང་དང་ལ་ཁར་སྤྲོད། ངན་དང་ལུང་ཁུང་དུ་སྣོལ། མི་ནོར་ལ་མིག་མ་ཕྲ།

魔來請阻擋！敵來請襲擊！中毒施良藥！組建勇軍！修砌堅堡！披著鎧甲！發大勇威！急時備馬！忙時彎弓！善則送山頂！惡則埋谷底！人財勿吝嗇！

............(中略)............

ཅེས་བརྗོད། མཆོད་གཏོར་གསེར་སྐྱེམས་རྟེན་གྱི་དྲུང་ངམ་བསང་ཁང་དུ་འབུལ། སྦྱིན་བདག་རྣམ་གཡུལ་དང་ལམ་དུ་འཇུག་པ་སོགས་ཡིན་ན། དཔའ་བོ་དང་མགྲོན་པོ་རྣམས་ཀྱི་གྲི་མཚོན་བསང་ཁར་ཕྱུངས། བསང་ཁང་དང་དགྲ་བླའི་རྟེན་ལ་བསྐོར་བ་རབ་ལོ་གྲངས། འབྲིང་བདུན། ཐ་མ་གསུམ་སོགས་བསྐོར་ལ། ཀི་བསྭོ་ལྷ་རྒྱལ་འཐེན་པ་སོགས་བྱ་ཞིང་ཕྱེ་མར་གྱིས་ཞལ་བསྲོ། བཀྲ་ཤིས་བརྗོད་པ་སོགས་བྱའོ། །

如是念誦。供養朵瑪、金飲，獻於所依面前或供殿中。若施主上戰場及行於途中等，則勇士與諸賓客之兵器令潔淨，圍繞供室與戰神所依，上者圍十二圈，中者圍七圈，下者圍三圈。應作“格嗦善神得勝”等，以糌粑油團為底基。應誦吉祥偈等。

བརྒྱ་བྱིན་མཚོན་གྱིས་རི་བོ་བཞིན། །དགྲ་བླའི་མཐུ་སྟོབས་ཐོག་སེར་གྱིས། །བདུད་དགྲའི་གཡུལ་ངོ་ཕྱེ་མར་བརླག །གྲགས་སྙན་དབྱར་རྔ་སྒྲོག་གྱུར་ཅིག །

帝釋兵器如山峰，戰神威力猛雷雹，

敵魔戰陣碎為塵！美譽如雷傳四方！

དེ་ལྟར་དགྲ་བླའི་བསང་མཆོད་སོགས་སྔར་གྱི་གསུང་རྒྱུན་ཉིད་སྒར་བསང་ཆེན་མོའི་ཆ་ལག་ཏུ་བསྡེབས་པ་པོ་ནི་རླངས་ཀྱི་བནྡེ་མཁའ་ཁྱབ་རྡོ་རྗེས་སོ།། །།

如是《戰神淨煙供》等，由朗氏僧人卡巧多傑依往昔口傳淨煙供支分彙編。

༄༅། །དགྲ་བླ་གཏོང་ན། དེའི་གཏོར་མ་རིན་པོ་ཆེའི་སྣོད་དུ་བང་རིམ་གསུམ་གྱི་སྟེང་། བཤོས་བུ་ཟུར་གསུམ། དེའི་ཟུར་རེར་རྩེ་མོ་བཞི་རེ་བྱས་པ་རྒྱན་ལྡན་གྱི་མཐའ་སྐོར་དང་། བང་རིམ་རྣམས་ལ་བཀྲ་ཤིས་རྫས་རྟགས། རྒྱལ་སྲིད། འདོད་ཡོན་ལྔ། གོ་མཚོན་རིགས། ཁྱུང་འབྲུག་སོགས་གནམ་ལ་འཕུར་དགུ །སེང་སྟག་སོགས་བར་ནས་འགྲིམ་དགུ །སྦལ་སྦྲུལ་སོགས་ས་ལ་འཛུལ་དགུ། ཀྲྀཥྞ་ས་ར་སོགས་རི་དྭགས། རྟ་གཡག་ལུག་སོགས་གཡུང་དྭགས་རིགས་སྣ་ཚོགས་པས་བསྐོར། དར་སྣ། སྟག་གཟིག་རས་མོ། བྱ་སྤུ་རྣམས་ཀྱིས་བརྒྱན། སྨན་སྣ། རིན་ཆེན་ཕྱེ་མ། འབྲུ་སྣ། ཡོས་ཁྲ། ཤ་སྣ། ཕྱེ་མར། འོ་ཞོ། ཇ་ཆང་སོགས་ཕུད་སྣ་རྣམས་བཤམས་པ་དང་། བདུད་རྩི་ཅན་དང་དྲི་བཟང་པོའི་ཤིང་སྣ་གཙང་མའི་བསང་དུད་སྦྱར་བ་ལ། འགྲུབ་ན་བསང་རྫས་ཀུན་འདུས་ཀྱི་ཕབས་གཏའ་བྲན། དར་ནག་དང་དར་སྣ་ཚོགས་པའི་བ་དན་ཕྱོགས་ཀུན་ཏུ་བཀྲམ། གཞན་ཡང་སྲུང་མ་དགྲ་བླ་འཁོར་བའི་རྟེན། དགྱེས་པ་སྐྱེད་པའི་རྫས། སྤྱན་གཟིགས་རྣམས་ཀྱིས་བག་དྲོ་བྱིན་ཆགས་པར་བྱའོ།། །།

送戰神時，朵瑪寶器中，三層臺階之上，三角小朵瑪，每角作四尖頂，周圍具有嚴飾，各臺階上陳設八吉祥物、七政財、五妙供、兵器類，鵬龍等九種空中飛禽，虎獅等九種地上走獸，蛙蛇等九種洞穴動物，黑羚羊等野獸，馬、牛、羊等各種家畜所共圍繞，虎紋、豹紋絲綢，鳥羽等莊嚴，陳設藥類、大寶粉末、穀類、肉類、油麵、乳酪、茶酒等獻新，甘露與妙香木共成之淨煙供。修持時，潤灑總集一切供物之酵母酒麴，各處張掛黑綢及雜色絲綢之飛幡。另外，護法戰神眷屬之所依，令生歡喜之供物、供品，應令悅意歡喜、莊嚴美麗。

༈ དཔེ་ཚན་འདི་སྔོན་ཆད་གཏེར་མཛོད་དཀྱུས་སུ་མེད་ཅིང་། བལ་ཡུལ་ཞེ་དགོན་གྱི་པར་གསར་འདིར་གསར་བཞག་བྱས་པས་ལུང་རྒྱུན་ལ་ཞིབ་རྟོག་དགོས་པ་ཡིན་ནོ། །

往昔伏藏軌文中並無此軌，今於此培宇協寺新版中初次加入，故於經教傳承應作細察。

~~~~~~~~~~~~~~~~~~~~~~~~~~~~

༈ ས་གསུམ་དབང་བྱེད་སྲིད་གསུམ་བྲན་དུ་འཁོལ། །ཕྱོགས་ལས་རྣམ་རྒྱལ་སྣང་སྲིད་ཟིལ་གནོན་པའི། །ཨོ་རྒྱན་རིག་འཛིན་བརྒྱུད་པའི་རིང་ལུགས་གང་། །ཕྱོགས་དུས་ཀུན་ཏུ་རྒྱས་པའི་བཀྲ་ཤིས་ཤོག །

三地懷攝三有役為僕，十方尊勝萬有悉懾伏，

鄔金持明傳承之宗軌，一切時處廣增願吉祥！

༈ ཐུབ་པས་ལུང་བསྟན་གསང་བདག་རྡོ་རྗེ་ཆོས། །རབ་འབྱམས་བཀའ་ཡི་སྡུད་པོར་ཡོངས་བཞེངས་པ། །བློ༵་གྲོ༵ས་སྤོབས་པ་མཐ༵འ་ཡ༵ས་རྒྱལ་བ་ཡི། །བསྟན་པ་ཡུན་རིང་གནས་པའི་བཀྲ་ཤིས་ཤོག །

能仁授記密主金剛法，無邊教言總攝悉建立，

智慧辯才無邊尊勝王，教法恆久住世願吉祥！（註：བློ་གྲོས་མཐའ་ཡས，羅卓泰耶，智慧無邊）

༈ མཁའ་ལ་རིག་འཛིན་བརྒྱུད་པའི་སྤྲིན་ཆེན་འཁྲིགས། །ས་ལ་དམ་ལྡན་སློབ་མའི་འདུ་ཚོགས་རྒྱས། །བར་ན་སྨིན་གྲོལ་འདོད་དགུའི་གྲུ་ཆར་འཇོ། །མཆོག་གསང་བསྟན་པ་དར་སྨིན་བཀྲ་ཤིས་ཤོག །

虛空持明傳承大雲佈，地上殊勝弟子大眾廣，

中間熟脫所欲如雨降，勝密教法興盛願吉祥！

寧瑪文殊 - 經典伏藏漢譯 NMKT ༄༅།།རྙིང་མ་འཇམ་དབྱངས། བཀའ་མ་གཏེར་ཆོས་རྒྱ་སྒྱུར།།